مسوّاة حق المشاريع اللي تتحرك.

سفرة تخدم أكثر من 450 براند شغّال في الإمارات والسعودية، من الكوفيات المتنقلة لين البوب أب في الويكند.

منو يستخدم سفرة

جهّز منتجاتك مرة وحدة، واستخدم نفس السيستم وين ما تشتغل.

براند قهوة مختصة يشتغل من أماكن مختلفة. ما يحتاج أربع أنظمة.

منتجاته موجودة في سفرة من قبل. في كل موقع يعرض منيو الـQR، يفتح الكاشير، ياخذ الطلب، يستلم الدفع ويسجّل البيعة، وبعدين يراجع كل شي.

الفعاليات تصير فوضى. الموظفين لازم يخدمون بسرعة، والمنتجات تخلص، والمنيو يتغير، وصاحب الشغل يبا يعرف إذا الفعالية ربّحت.

سفرة تخلّي البيع بسيط. ما حد يحتاج يتعلم نظام مطاعم كامل عشان يشغّل ستاند ثلاث أيام.

إضافة المنتجات وايد سهلة. سوّ المنيو وابدا بدون برامج مطاعم معقدة.

استخدم الأجهزة اللي عندك. والتجار المؤهلين في Ziina يقدرون بعد يستخدمون Tap to Pay على التلفونات المدعومة.

الكاشير يعرض خطوات البيع، مب شاشات إدارية.

استخدم منيو الـQR بروحه، أو زيد الكاشير لما تبدا تشارك في الفعاليات.

مسوّاة حق الجيل اليديد من الكافيهات والبوب أب والمشاريع المتنقلة في الإمارات والسعودية.